JIHAR SAKKWATO TA YI BABBAR RASHI BISA RASUWAR DR. IDRIS MUHAMMAD
INNA LILLAHI WA’INNA ILAIHI RAJI’UN
JIHAR SAKKWATO TA YI BABBAR RASHI BISA RASUWAR DR. IDRIS MUHAMMAD
Jihar Sakkwato ta shiga cikin jimami da alhini sakamakon rasuwar Dr. Idris Muhammad, wanda ya kasance Mataimakin Shugaban Hukumar Kula da Gidajen Yari ta Ƙasa baki ɗaya.
Rasuwar Dr. Idris Muhammad babban rashi ne ga iyalansa, ’yan uwansa, abokansa, al’ummar Jihar Sakkwato da ma ƙasa baki ɗaya, duba da irin muƙamin da ya riƙe a hidimar ƙasa.
Marigayin ɗan asalin Jihar Sakkwato ne, wanda ya fito daga Ƙaramar Hukumar Sakkwato ta Kudu, musamman Mazabar Tudun Wada A. Wannan ya sa rasuwarsa ta zama abin alhini ga al’ummar yankin da sauran waɗanda suka san shi.
Rasuwar wannan bawan Allah ta sake tunatar da mu cewa rayuwa ta duniya ba ta dawwama, kuma kowane rai zai koma ga Mahaliccinsa a lokacin da Ya ƙaddara.
A wannan lokaci na jimami, muna miƙa saƙon ta’aziyya ga iyalan marigayin, ’yan uwansa, abokansa, al’ummar Mazabar Tudun Wada A, Ƙaramar Hukumar Sakkwato ta Kudu da daukacin al’ummar Jihar Sakkwato bisa wannan babban rashi.
Muna roƙon Allah Maɗaukakin Sarki da Ya gafarta wa marigayin, Ya jiƙansa da rahamarsa, Ya haskaka masa kabarinsa, Ya sanya kabarinsa ya zama lambu daga cikin lambunan Aljanna, sannan Ya ba shi Aljannatul Firdausi.
Haka kuma, muna roƙon Allah Ya ba iyalansa, ’yan uwansa da dukkan waɗanda rasuwarsa ta shafa haƙurin jure wannan babban rashi, tare da ba su ladan haƙuri da juriya.
Sirajo Bello Hungumawa #Jihar Sokoto 12 10 2026.
